Мұсылмандардың Рамазан айындағы оразасы өтіп жатқан тұста келетін Қадір түні жақындап қалды. Ислам дініндегілер үшін айрықша қасиетті болып саналатын бұл түнде діндарлар барлық жақсылықтармен қатар еліміз үшін тыныштық, халқымыз үшін бейбіт өмір тілейтіні анық. Сондықтан бүгін, Ел басымызға амандық, елімізгі береке бірлік тілейік.
Ораза айында ең қасиетті түн – Қадір түні болып саналады. Қадір түні Мұхаммед пайғамбарға (с.ғ.с.) Алла тағала Құран кәрімнің бірінші аятын түсірген.
Қадір түні Алла тағала Жер бетіне өзінің періштелерін жібереді, олар таң атқанша адамдардың арасында болады, адамдарға Алланың мейірімін жеткізеді. Қадір түні істелген жақсылықтар екі есе құнды.
Еліміздің барша мұсылмандарына Ораза қабыл болсын деген тілегімді жеткізіп, Қадір түнінде күллі жақсылықтармен қатар республика халқына тыныштық, береке-бірлік тілесек деймін. Қазақстанда әр күн бейбіт жағдайда атып, тыныш еңбек етіп жатқанымызды көп көрмейік. Халықтың бірлігі өздігінен бола қалмайды, ол үшін Құдайдан тілек тілеп, сол мақсатта жұмыс істеу керек. Қадір түні құтты болсын!
